بی سی اسٹوڈینس یونین کی راؤنڈ ٹیبل کانفرنس
کاکتیا یونیورسٹی بی سی اسٹوڈینس یونین کی جانب سے راؤنڈ ٹیبل کانفرنس منعقد کی گئی، اس راؤنڈ ٹیبل کانفرنس میں چنتا پنڈو نوین عرف تین مار ملنا، جماعت اسلامی ہند تلنگانہ کے ذمہ داران معاون امیر حلقہ جناب عبد المجید شعیب، زعیم الدین احمد میڈیا سیکریٹری، جناب علیم الدین ارشاد ڈائریکٹر منڈل انچارجس تلنگانہ اور دیگر بی سی طبقات کے طلباء یونیوں کے نمائندوں نے شرکت کی، طلباء یونینوں کے نمائندوں نے اس اجلاس میں اعلی ذاتوں کی جانب سے، بی سی طبقات کے خلاف ہونے والی ناانصافیوں کا جذباتی انداز میں اظہار کیا اور اس بات کا عہد کیا گیا کہ اب اس ظلم و ناانصافیوں کو مزید برداشت نہیں کیا جائے گا، اپنے حقوق کو حاصل کرنے کے لیے بی سی طبقات آپس میں متحد ہو کر مقابلے کریں گے، اس موقع پر بی سی رہنما چنتا پنڈو نوین عرف تین مار ملنا نے کہا کہ بی سی طبقات کے ساتھ یہ ناانصافیاں گزشتہ پچھتھر سال سے جاری ہیں، اب وقت آگیا ہے کہ اس ظلم و ناانصافیوں کا خاتمہ ہو، اسی لیے ہم سب کو مل کر اس ظلم کا مقابلہ کرنا ہوگا، اس موقع پر انہوں نے کہا کہ میں جماعت اسلامی کا شکریہ ادا کرتا ہوں کہ اس نے اس نازک موقع پر ہمارا ساتھ دیتے ہوئے ہماری طرف مدد کا ہاتھ بڑھایا ہے، معاون امیر حلقہ جماعت اسلامی ہند تلنگانہ عبد المجید شعیب، نے بی سی طبقات کو درپیش چیلنجوں پر گفتگو کرتے ہوئے کہا کہ جب تک بی سی طبقات آپس میں اتحاد پیدا کرتے ہوئے، اقتدار حاصل نہیں کریں گے اس وقت تک یہ مسائل حل نہیں ہوں گے، اور مسلمان بھی اس جد وجہد میں بی سی طبقات کے شانہ بہ شانہ کھڑے ہیں۔ اس ضمن میں بی سی طبقات کی جانب سے 2 فروری کو منعقد کئے جانے والے “بی سی راجکیا یودھا بھیری” جو آرٹس کالج گراؤنڈ ورنگل پر منعقد ہونے جا رہا ہے، ریاست کے مسلمانوں سے خواہش کی کہ وہ اس جلسے میں شریک ہو کر اس کو کامیاب بنائیں۔
