Urdu

جماعت اسلامی ہند تلنگانہ ضلع ورنگل کی جانب سے “آسان نکاح” کے موضوع پر ایک گول میز کانفرنس منعقد کی گئی

اس کانفرنس کی صدارت معاون امیر حلقہ عبد المجید شعیب نے کی، شادی کو آسان اور اسلامی اصولوں پر کرنے اور فضولیات سے بچانے پر اس کانفرنس میں زور دیا گیا اور مسلم معاشرے میں پھیلے ہوئے اس معاشرتی مسئلے پر غور و خوض کیا گیا اور ایک حل نکالنے پر گفتگو کی گئی، ڈاکٹر عثمان (سکریٹری ملی امور)، کے علاؤہ ضلع کے مختلف مکاتب فکر کے علمائے کرام اور معززین شہر نے اس کانفرنس میں شرکت کی۔ عبد الحنان ناظم ضلع اور ڈاکٹر مجاہد عرفان نے شرکاء کا شکریہ ادا کیا۔

تین مار ملنّا کی دفتر جماعت اسلامی ہند تلنگانہ پر آمد

گریجویٹ یم یل سی تین مار ملنّا اور بی سی طبقے کے معروف لیڈر نے آج دفتر حلقہ جماعت اسلامی ہند تلنگانہ پہنچ کر ذمہ داران حلقہ سے ملاقات کی، ملاقات میں معاون امیر حلقہ جناب عبد المجید شعیب، جنرل سیکریٹری جناب مشتاق اطہر، سیکریٹری حلقہ سید فخر الدین علی احمد، ڈائریکٹر پی آر جناب عبد الحکیم، میڈیا ڈائریکٹر زعیم الدین احمد شریک رہے۔
تین مار ملنّا کے ہمراہ مختلف بی سی لیڈران بھی موجود تھے، بی سی طبقات اور مسلم طبقے کے مسائل پر گفتگو و تبادلے خیال رہا، اس خوش گوار ملاقات میں آپسی اتحاد، بھائی چارہ اور موجودہ سیاسی صورتحال پر تبادلہ خیال ہوا، مستقبل میں یہ دو طبقات کس طرح مل کام کرسکتے ہیں اس پر بھی تفصیلی گفتگو رہی۔
معاون امیر حلقہ نے بی سی مسلم اتحاد کو درپیش چیلنجس پر بات کی
بی سی طبقات سے جاری سماجی ناانصافی کے اسباب اور مستقبل میں بی سی طبقات کے سیاسی اقتدار کو قوت مقتدرہ کی جانب سے روکنے کی سازشوں سے خبردار کیا
انہوں نے جماعت اسلامی تلنگانہ کی جانب سے بی سی کمیونٹی کے جائز مطالبات کی بھرپور حمایت اور تعاون کا یقین دلایا اور آئندہ بھی مشترکہ امور پر تبادلہ خیال کے اس سلسلہ کو جاری رکھنے کی ضرورت پر زور دیا
تین مار ملنّا کی ٹیم کے دیگر رہنما بھی اس ملاقات میں شامل تھے۔
ڈائریکٹر پی آر عبد الحکیم نے ذمہ داران جماعت اسلامی کا تعارف کرایا۔

قرآنی عربی سیکھیں: امیرِ حلقہ  ڈاکٹر محمد خالد مبشر الظفر کا وابستگان جماعت کو پیغام

حیدرآباد، 1 نومبر: جماعت اسلامی ہند حلقہ تلنگانہ کے ریاستی صدر ڈاکٹر محمد خالد مبشر الظفر نے جماعت کے وابستگان کو قرآنی عربی سیکھنے کی اہمیت پر زور دیا۔ قرآنی عربی کورس کے اختتامی سیشن کو مخاطب کرتے ہوئے ڈاکٹر خالد ظفر نے رفقاء کو تلقین کی کہ وہ قرآن کی زبان سیکھنے کے لیے وقت نکالیں اور اس کے پیغام کو گہرائی سے سمجھنے کی کوشش کریں۔

ڈاکٹر خالد ظفر نے مزید کہا کہ قرآن اللہ کا کلام ہے اور یہ تمام انسانیت کے لیے ہے۔ اس لیے وابستگان جماعت کے لیے قرآنی عربی سیکھنا ضروری ہے تاکہ وہ اسلام کی قیمتی تعلیمات کو بہتر طریقے سے سمجھ سکیں اور اسے دوسروں تک پہنچا سکیں۔

یہ تین ہفتوں کا آن لائن کورس جماعت اسلامی ہند، تلنگانہ کے شعبہ ایچ آر ڈی کی جانب سے منعقد کیا گیا تھا۔ ایچ آر ڈی کے ڈائریکٹر ڈاکٹر ایس ایم فصیح اللہ نے بتایا کہ یہ کورس شرکاء کے لیے قرآنی عربی سیکھنے کو آسان بنانے کے مقصد سے تیار کیا گیا تھا۔ انہوں نے مزید کہا کہ یہ کورس جماعت کے وابستگان کو قرآن سے گہرا تعلق قائم کرنے اور اسلام کے پیغام کو بہتر طریقے سے پہنچانے کی مہارت میں اضافہ کرنے کا ایک اہم قدم ہے۔ انہوں نے یہ بھی بتایا کہ جماعت اس طرح کے مزید کورسز لانا چاہتی ہے تاکہ تنظیم میں درس وتدریس کا ماحول بنا رہے۔

جماعت اسلامی ہند کی اخلاقی محاسن،آزادی کے ضامن، مہم کے اختتامی عظیم الشان جلسہ عام کانمائش میدان،حیدرآباد پر انعقاد

مرکزی سکریٹری شائستہ رفعت،رکن پارلیمنٹ ڈاکٹر کڈیم کاویہ، جلیسہ سلطانہ،ناصرہ خانم،سیدہ فلک و دیگر کے خطابات

شعبہ خواتین جماعت اسلامی ہند تلنگانہ کے زیر اہتمام بروز اتوار نمائش میدان نامپلی پر عظیم الشان جلسہ عام برائے خواتین بضمن اخلاقی محاسن،آزادی کے ضامن، مہم منعقد ہوا۔ صدارتی خطاب میں محترمہ شائستہ رفعت ‘ مرکزی سکریٹری جماعت اسلامی ہند نے خواتین کو اپنی صلاحیتوں کو پہچان کر اسے اسلام کی سربلندی میں استعمال کرنے پر زور دیا۔ انہوں نے کہا کہ اللہ تعالی نے رسالت کے ذریعے سے انسانوں کی تعلیم و تربیت فرمائی، تزکیہ کا نظام عطا فرمایا رسولوں کی بعثت ہوئی اور رسولوں کو بھیجا گیا کہ وہ لوگوں کا تزکیہ کریں تو یہ بڑا عظیم الشان کام ہے۔ جب ہم مورلٹی از فریڈم کہتے ہیں یا اخلاقی محاسن ازادی کے ضامن کہتے ہیں تو دراصل ہم اسی بات کی طرف لوگوں کو متوجہ کر رہے ہیں کہ اپنی انٹرنل فورسز (اندرونی صلاحیتوں) کی حقیقت کو پہچانیں۔اللہ نے ہماری شخصیتوں کے اندر جو طاقتیں رکھی ہیں اس کو بگاڑ سے بچائیں۔ موجودہ تہذیب کا المیہ یہ ہے کہ وہ انسان کی ان اندرونی طاقتوں کے ساتھ چھیڑ چھاڑ کر رہی ہے۔ فحش ویب سائٹ پر فحش مواد کے ذریعے لوگوں کے اندر جنسی ہیجان پیدا کرنا ‘ اخلاقی انارکی میں معاشرے کو جھونک دینا اور نتیجہ یہ ہے کہ برائیوں کا ایک طوفان ہے جو تھمنے کا نام نہیں لے رہا۔نوجوان نسل کو یہ پڑھایا جا رہا ہے کہ شادی کے بغیر لیو ان ریلیشن شپ میں آپ رہ سکتے ہیں شادی کی ذمہ داری کو اٹھانے کی کیا ضرورت ہے۔کالجز کے اسٹوڈنٹ میں یہ بڑا معروف جملہ ہے۔ یہ بات سمجھائی جا رہی ہے کہ ایک کافی کا کپ پینے کے لیے کافی شاپ خریدنا کہاں کی عقلمندی ہے۔ مطلب یہ کہ ایک وقت میں جنسی خواہش پوری کرنے کے لیے نکاح کی کیا ضرورت ہے۔جبکہ قران مجید نے متوجہ کیا کہ ہم نے میزان قائم کر دی اب اس میں تم خسارہ مت پیدا کرو اس کو ڈسٹرب مت کرو اس کو نقصان مت پہنچاؤ اللہ نے بڑے متوازن طریقے پر یہ کائنات بنائی۔انہوں نے کہا کہ اسلام کے اخلاقی نظام کو واقف کروانے کی ضرورت ہے۔ اور اصلاح کا کام اپنی ذات سے شروع کریں۔ مہمان خصوصی محترمہ ڈاکٹر کڈیم کاویہ (رکن پارلیمنٹ ورنگل) نے اپنے مختصر لیکن جامع پیغام میں خواتین سے کہا کہ وہ اپنی صحت کا خیال رکھیں بہتر تغذیہ اور حفظان صحت پر توجہ دیں۔اپنا اور اپنے گھر کے افراد خاندان کا ہر طرح سے خیال رکھیں۔انہوں نے کہا کہ خواتین اپنے علاج کے لئے سرکاری دواخانوں سے رجوع کریں۔ خاص کر اپنے بچوں کا خیال رکھیں اور بچوں کو سماجی برائیوں سے بھی محفوظ رکھیں۔آج معاشرہ میں برائیاں تیزی سے پھیل رہی ہیں ایسے میں بچوں پر خصوصی نظر رکھنے کی ضرورت ہے۔ خواتین کا اتنا بڑا عظیم الشان پروگرام منعقد کرنے اور بحیثیت مہمان خصوصی انہیں مدعو کرنے پر شعبہ خواتین جماعت اسلامی ہند اور تمام منتظمین کا شکریہ ادا کیا اور مبارک باد دی۔محترمہ جلیسہ سلطانہ یاسین،کنو نیز آل انڈیا مسلم پرسنل لاء بورڈ برائے خواتین نے اپنے خطاب میں کہا کہ رسول اللہﷺ کی زندگی میں ہمارے لئے بہترین نمونہ ہے۔ ہم ہماری زندگیوں میں مثبت تبدیلی لائیں۔محترمہ سیدہ ساجدہ بیگم (سیکرٹری جماعت اسلامی ہند تلنگانہ)نے کہا کہ سب کچھ اللہ تعالی نے ہمیں عطا کیا لیکن یہ ہماری بد نصیبی ہے کہ ہم نے اللہ اور رسول ؐکے احکامات کوپسِ پشت ڈال دیا۔رسولوں کی رہنمائی کو جب انسان نے چھوڑ دیا رب کے احکامات کی کے خلاف ورزی اس نے کی اور اپنی نفس کی خواہشوں کی غلامی میں وہ مبتلا ہو گیا تو پھر دنیا دیکھ رہی ہے کہ انسان انسان نہیں رہا۔ پروفیسر شگفتہ شاہین (اویس ڈی، ما نو شعبہ انگریزی) نے اپنی تقریر میں کہا کہ سوشیل میڈیا کی وجہہ سے بچوں پر غلط اثر پڑ رہا ہے۔ہم اپنے گھروں میں سوشیل میڈیا کے استعمال پر کنٹرول رکھیں۔محترمہ ناصرہ خانم، رکن نمائندگان جماعت اسلامی ہندنے کہا کہ آج ہمارے ملک میں اخلاق کا بڑا بحران ہے ایسے میں یہ مہم وقت کی ضرورت ہے اور اس کام کو آگے بھی جاری رکھنے کی ضرورت ہے۔محترمہ سیدہ فلک نے کہا کہ حضور پاک صلی اللہ علیہ وسلم نے کہا تھا کہ ایک بیٹی،باپ کے لیے جنت کا دروازہ کھول دیتی ہے۔ ایک بیوی اپنے شوہر کا آدھا دین مکمل کر دیتی ہے اور جنت تو ماں کے قدموں میں ہے۔محترمہ حمیرا نشاط(جامعہ ریاض الصالحات) نے کہا کہ خواتین سورہ نور بطور خاص پڑھیں اس کو ترجمے کے ساتھ سنیں اور اس میں تدبر اور غور و فکر کریں۔محترمہ خدیجہ مہوین نے اپنے خطاب میں کہا کہ مسلمان بہترین امت ہیں ہم اچھائی کا حکم دینے والے اور برائی سے روکنے والے بنیں۔محترمہ عائشہ سلطانہ کے اظہار تشکر پر جلسہ کا اختتام عمل میں آیا۔ڈائس پرمحترمہ اسماء زرزری،محترمہ اسراء محسنہ،کے علاوہ جماعت اسلامی ہند تلنگانہ کی خواتین ذمہ داران بھی موجود تھیں۔