جماعت اسلامی ہند تلنگانہ کا پارٹیوں کے بجائے امیدوار کی بنیاد پر تائید کا فیصلہ

جماعت اسلامی ہند حلقہ تلنگانہ کی جانب سے جاریہ ماہ کے اواخر میں منعقد ہونے والے اسمبلی انتخابات کے متعلق پچھلے چار ماہ سے غوروفکر کا سلسلہ جاری ہے۔انتخابات میں تائید کے سلسلے میں صحیح فیصلے تک پہنچنےکے لیے ریاست کے عوام کی رائے معلوم کی گئی۔ جس کے لیے جماعت اسلامی ہند حلقہ تلنگانہ نے ریاست کے تمام اضلاع میں پھیلے ہوئے اپنے وابستگان کے ذریعے مختلف سطحوں پر سروے   کروایا۔ مختلف سیاسی جماعتوں کی جانب سے کھڑےکیے گئے امیدواروں اور ان کی کارکردگی، عوام میں ان کی مقبولیت اور ان کی اہلیت  کا تفصیلی جائزہ لیا گیا۔ اس دوران جماعت اسلامی ہند نے ایک عوامی منشور تیار کیا اور اس عوامی منشور کے نکات پر ریاست میں مقابلہ کرنےوالی مختلف سیاسی جماعتوں کے قائدین سے تفصیلی تبادلہ خیال کیاگیا۔مذکورہ بالا تمام ملاقاتوں اور ریاست بھر میں پھیلے ہوئے اپنے  کیڈر کی جانب سے کیے گئے سروے اورجماعت کی مقامی اکائیوں  کی جانب سے طے  کردہ فیصلوں کو سامنے رکھتے ہوئے ریاست کی سیاسی کمیٹی نے حلقہ کی شوریٰ کے سامنے اپنی سفارشات پیش کیں۔ جماعت اسلامی ہند حلقہ کی مجلس شوریٰ نے ان سفارشات کی بنیاد پر یہ فیصلہ کیا ہے کہ ان انتخابات میں 68 اسمبلی حلقوں میں کانگریس پارٹی ، 41 اسمبلی حلقوں میں بی آرایس پارٹی اور 7 اسمبلی حلقوں میں مجلس اتحاد المسلمین کے امیدواروں کی تائید کی جائے۔ جب کہ ایک اسمبلی حلقہ میں سی پی آئی، ایک اسمبلی حلقے میں بی ایس پی کی تائید کی جائے گی۔

جماعت اسلامی ہند حلقہ تلنگانہ کی مجلس  شوری نے مذلورہ بالا تمام دلائل کے ساتھ اپنی سفارشات مرکز روانہ کردی تھیں اور مرکز جماعت نے جماعت کی مقامی اکائیوں کی آرا اور حلقہ کی شوریٰ کے دلائل کو قبول کرتے ہوئے شوریٰ کی سفارشات کی  توثیق کردی ہے۔

جماعت اسلامی ہند حلقہ تلنگانہ کی سیاسی کمیٹی نے یہ بھی طے کیا ہے کہ وہ اپنے کیڈرکے ذریعے عوام میں حق رائے دہی کے استعمال کے متعلق شعور کی بیداری کا کام انجام دے گی، اور اس امر کی کوشش کی جائے گی کہ عوام میں ووٹ کی اہمیت کا احساس پیدا ہو اور ریاست میں رائے دہی کے تناسب بڑھے۔ اس موقع پر ہم ریاست کے تمام رائے دہندوں سے اپیل کرتے ہیں کہ وہ اپنےحق رائے دہی کا ضرور استعمال کریں۔ اور جماعت اسلامی ہند حلقہ تلنگانہ نے کافی غوروخوص اور تفصیلی سروے کے بعد ریاست  اور عوام کی بہتری کے لیے  جو فیصلےکیے ہیں ان کے مطابق اپنے ووٹ کا استعمال کریں۔

جماعت اسلامی ہند حلقہ تلنگانہ کی جانب سے مختلف اسمبلی حلقوں میں جن پارٹیوں کی تائیدکا فیصلہ کیا ہے ان کی تفصیل  اس پریس ہینڈ اؤٹ کے ساتھ منسلک کردی گئی ہے۔

Read More

Last date extended for Maulana Abdul Basit Anwar Fellowship Program

Maulana Abdul Basit Anwar Fellowship Program Last date extended to 30th November 2023.

See details, and apply.

A golden opportunity for Muslim students of Telangana.

Eligibility Criteria:
1.Student who is studying Law, Media, Economics or History in UG, PG, or Ph.D
2.Student who scored Highest Marks/Medal /Rank in the previous academic year (i.e. College /Department /University /Subject Topper). 3. Student who holds good academic record (SSC and Intermediate).
4.Student must be from Telangana State and Muslim Community.

APPLY NOW
https://forms.gle/EsbbajMQcHypev9Z7

AN INITIATIVE OF DEPARTMENT OF HRD, JAMAAT-E-ISLAMI HIND, TELANGANA

For More Details Contact Mr. Abdul Ghani: 9703809595

Read More

جماعت اسلامی حلقے تلنگانہ کے اسمبلی انچارجس کا اجلاس

جماعت اسلامی حلقہ تلنگانہ کی سیاسی کمیٹی کی جانب سے تقریباً چالیس اسمبلی حلقہ جات کے ذمہ داروں کا ایک اجلاس   ٥ نومبر٢٠٢٣ دفتر حلقہ لکڑکوٹ پر منعقد ہوا
امیر حلقہ نے اپنی ابتدائی گفتگو میں اس سیاسی جدوجہد کے چار مختلف پہلوؤں کو اجاگر کرتے ہوئے کہا کہ آنے والے اسمبلی انتخابات میں کون جیت درج کرتا یے، بلکہ اہم یہ ہیکہ جماعت اسلامی اس انتخابی سرگرمی کے نتیجہ میں ابھر کر سامنے آئے۔ ووٹر انرولمنٹ کا کام ہو، رائے دہی کے فیصد کو بڑھانے کی کوشش کی جائے، رائے عامہ کو ہموار کیا جائے، شعور بیداری کا کام کیا جائے۔

کنوینر سیاسی کمیٹی و معاون امیر حلقہ جناب عبد المجید شعیب نے اجلاس کے مقاصد بیان کرتے ہوئے کہا کہ اس اجلاس کے ذریعہ ساری ریاست میں جماعت کی انتخابات سے متعلق سرگرمیاں تیز تر ہوں۔

اسمبلی حلقہ جات کی سطح پر جو کوششیں طئے کی گئیں ان میں عوامی جلسے ‘کارنر میٹنگیں’ علماء و دانشوروں کی میٹنگیں’ برادران وطن کے ساتھ راؤنڈ ٹیبل میٹنگیں ‘ گھر گھر ملاقاتیں ‘ ووٹروں کے شعور کو بڑھانے کے لئے جمعہ کے خطبے ‘ پمفلٹوں کی تقسیم ‘ مسلم نوجوانوں کی میٹنگیں ‘ خواتین کے ذریعہ خواتین میں سیاسی شعور کی بیداری اور ان کے رائے دہی کے تناسب کو بڑھانے کی کوششیں شامل ہیں۔

تمام انچارجس کو ہدایت دی گئی کے اپنے حلقہ انتخاب میں مکمل اور جامع منصوبہ بندی کریں، رائے عامہ کی مثبت تبدیلی کے میقاتی مشن کو اس انتخابی جدوجہد کے ذریعہ بھرپور کامیاب کریں، اگلے پچیس دن ہم شبانہ روز محنت کریں اور روزانہ اپنی سرگرمیوں کی رپورٹ سیاسی کمیٹی کو روانہ کریں۔
حلقہ کا ڈیٹا سینٹر اور آئی ٹی سیل تشہیری و تجزیاتی مواد کی تیاری میں مدد کریگا
اوپن فورم میں انچارجس نے مختلف سوالات بھی کئے اور اپنے حلقہ کی صورتحال کی تفصیلی رپورٹ بھی پیش کی اور آئندہ کے منصوبہ بندی سے متعلق اہم نکات پیش کئے۔ اجلاس میں اضلاع عادل آباد، نظام آباد، کریم نگر، محبوب نگر، کھمم، کوتہ گوڑم، نرمل، حیدرآباد، پداپلی، ورنگل، جنگاؤں، بھونگیر، ظہیرآباد کے علاوہ کئی دیگر مقامات کے نمائندے بھی شریک رہے

Read More

ریڈینس ویوز ویکلی حیدرآباد آڈیشن افتتاح

ریڈینس ویوز ویکلی حیدرآباد آڈیشن کا امیر حلقہ تلنگانہ ڈاکٹر خالد مبشر الظفر کے ہاتھوں افتتاح۔ محترم امیر حلقہ تلنگانہ نے ریڈینس ویوز ویکلی میں تلنگانہ سے متعلق خبروں اور مضامین کو مختص کرنے پر اظہار مسرت کیا، اس موقع پر تنویر احمد صاحب ڈائریکٹر ریڈینس، محمد اظہر الدین صاحب معاون امیر حلقہ تلنگانہ اور دیگر ذمہ داران جماعت موجود تھے۔

 

 

 

Read More

Radiance Views Weekly Hyderabad Edition Inaugurated

Radiance Views Weekly Hyderabad Edition Inaugurated by Dr. Khalid Mubashir-ul-Zafar, Amir-e-Halqa Jamaat-e-Islami Hind, Telangana. Hon’ble Amir-e-Halqa  expressed his happiness on allocating news and articles related to Telangana in Radiance Views Weekly.

Tanveer Ahmed Sahib Director Radiance, Muhammad Azharuddin Sahib Maween Amir-e-HalqaTelangana, Dr.Mubashir Ahmed Sahib Nazim-e-Shehar JIH Hyderabad, Abulkaram Mushtaq Athar General Secretary Jih Telangana, Zayeemuddin Ahmed Director Data Centre,JIH Telangana, Dr. Shaik Mohammed Usman Secretary, Milli Umoor and other officials were present.

Read More