جماعت اسلامی ہند حلقہ تلنگانہ کی جانب سے کیڈر کے لئے میڈیا اور پی آر اورینٹیش پروگرام کا انعقاد
نائب امیر جماعت انجنیئر محمد سلیم ‘ امیر حلقہ مولانا حامد محمد خان ‘ میڈیا سکریٹری مرکز جناب سید تنویر احمد و دیگر کا خطاب
اسلامک سنٹر لکڑ کوٹ حیدرآباد پر جماعت اسلامی ہند حلقہ تلنگانہ کی جانب سے کل یومی میڈیا اور پی آر اورینٹیش پروگرام کا انعقاد عمل میں آیا۔نائب امیر جماعت اسلامی ہند انجینئر پروفیسر محمد سلیم نے اپنے کلیدی خطاب میں کہا کہ میڈیا راے عامہ ہموار کرنے کا بہترین ذریعہ ہے۔ ہم میڈیا اور سوشیل میڈیا کے صحیح استعمال کے ذریعہ اسلام کے پیغام کو پھیلانے اور غلط فہمیوں کے ازالہ کا موثر کام انجام دے سکتے ہیں ۔ امیر حلقہ جماعت اسلامی ہند حلقہ تلنگانہ مولانا حامد محمد خان نے اپنے خطاب میں کہا کہ اس دور میں میڈیا کی اہمیت سے انکار نہیں کیا جاسکتا ۔ محدود ذرائع کے ساتھ بھی اپنی بات لوگوں تک پپنچانے کا یہ بہترین ذریعہ ہے ۔ مولانا حافظ رفیق احمد نظامی کے درس قرآن سے پروگرام کا آغاز ہوا ، جناب شہزاد ناصر نے درس حدیث پیش کی ۔ جناب محمد نصیر الدین جنرل سکریٹری حلقہ تلنگانہ نے افتتاحی کلمات پیش کئے۔جناب سید تنویر احمد مرکزی سکریٹری شعبہ میڈیا نے کہا کہ ہم میڈیا کے زریعہ جماعت کے دیگر شعبہ جات کی سرگرمیوں کو عوام میں بہتر طور سے متعارف کرواسکتے ہیں ‘ جناب لیئق احمد خان عاقل مرکزی معاون سکریٹری شعبہ رابطہ عامہ نے رابطہ عامہ کے عنوان پر پاور پوائنٹ پریزینٹیشن پیش کیا۔جناب محمد اظہر الدین سکریٹری شعبہ رابطہ عامہ حلقہ تلنگانہ، جناب سید فخر الدین علی احمد میڈیا سکریٹری شعبہ میڈیا حلقہ تلنگانہ، جناب مشتاق اطہر نے بھی اس موقع پر اظہار خیال کیا ۔مہمان مقرر مسٹر گوتم نے سوشیل میڈیا پر فیک نیوز کو کیسے جانچیں اس عنوان پر لیکچر پیش کیا ۔ جناب محمد حسام الدین متین ، میڈیا کوآرڈینیٹر اور جناب انس رضوی نے پروگرام کی نظامت کی۔
برصغیر کی عظیم دینی،تحریکی، ملی وعلمی شخصیت حضرت مولانا سید جلال الدین عمری، سابق امیرجماعت اسلامی ہند ونائب صدر مسلم پرسنل لاء بورڈکا سانحہ ارتحال،تحریک اسلامی وملت اسلامیہ کا عظیم خسارہ
ناظم ِ شہر جماعت اسلامی ہند عظیم تر حیدرآباد حافظ محمدرشاد الدین نے اپنے صحافتی بیان میں گوشہ محل رکن اسمبلی کی جانب سے شان ِ رسالت ﷺ میں گستاخانہ کلمات کے ذریعہ مسلمانوں کے مذہبی جذبات کو ٹھیس پہنچانے پر شدید مذمت کا اظہار کیا۔ناظم ِ شہر نے کہا کہ اس طرح کے بیانات کے ذریعہ حالات کو مکدر کرنے کی کوشش کی جارہی ہے۔ انہوں نے کہا کہ مسلمان شان ِ رسالت ﷺ میں گستاخی ہر گز برداشت نہیں کرسکتے۔ اُنہوں نے مزیدکہا نے کچھ روز قبل ہی زعفرانی پارٹی کے مرکزی ترجمان کی جانب سے متنازعہ بیان اور اب حیدرآباد کے رکن اسمبلی جو ہمیشہ سے ہی اس طرح کے بیانات کے ذریعہ مذہبی منافرت پھیلاتا رہا ہے کا یہ بیان زعفرانی پارٹی کی منصوبہ بند سازش کا حصہ معلوم ہو تاہے۔ اُنہوں نے کہا کہ پارٹی کی جانب سے رکن اسمبلی کو وقتی طور پر معطل کیا گیا ہے جبکہ فوری برخواست کیا جانا چاہیے تھا جو اس بات کو ظاہر کر تا ہے کہ یہ رسمی کاروائی کا حصہ ہے۔ اُنہوں نے حکومت اور انتظامیہ سے اپیل کی کہ وہ اس واقعہ کا سخت نوٹ لیں اور اَمن و اَمان کی برقراری کے لئے غیر سماجی عناصر پر گہری نظر رکھیں تا کہ فرقہ پرست عناصر کو فتنہ پھیلانے کا موقع نہ مل سکے۔
مولانا حامدمحمدخان امیرحلقہ جماعت اسلامی ہند حلقہ تلنگانہ نے ریاست کی پرامن فضاء کو متاثر کرنے اور فرقہ وارانہ منافرت پھیلانے کی کوششوں کی سخت مذمت کرتے ہوئے کہا کہ امن اور بھائی چارگی کا ماحول نہ صرف پرامن وپرسکون زندگی کے لیے ضروری ہے بلکہ ملک کی تعمیر وترقی کے لیے بھی لازم ہے۔ بھگوا پارٹی کے رکن اسمبلی اپنے زباں وبیاں سے ریاست کے بھائی چارہ اور فرقہ وارانہ ہم آہنگی کو متاثر کرنے کی ناکام کوشش میں لگے ہوئے ہیں تاکہ تلنگانہ میں اقتدار کے خواب کی تکمیل ہوسکے۔ مولانا حامدمحمدخان نے کہا کہ جماعت اسلامی ہند اس طرح کی تمام کوششوں کی سخت مذمت کرتی ہے اور حکومت تلنگانہ سے مطالبہ کرتی ہے کہ وہ محض گرفتارکرنے پر ہی اکتفا نہ کرے بلکہ ایسے مذموم شخص کوشہر بدر کیا جائے تاکہ ریاست میں امن وآشتی کاماحول برقرار رہے۔ امیرحلقہ تلنگانہ مولانا حامدمحمدخان نے امن پسند عوام خصوصاً ملت اسلامیہ سے اپیل کی کہ وہ صبروتحمل کا مظاہرہ کریں اور ہر قسم کی اشتعال انگریزی سے پرہیز کریں۔
