News

సత్య తిరస్కారి సైతం తిరస్కరించలేని వాస్తవ విషయం మరణం. మనిషి పుట్టినప్పటి నుండే సమాధి వైపు ప్రయాణం ప్రారంభిస్తాడు. పుట్టిన ప్రతి ప్రాణి మరణించక తప్పదు. సృష్టి కర్త తప్ప సృష్టి రాశులన్నీ నాశనమవక తప్పదు. మానవుడు కూడా సృష్టించబడిన వాడే కాని అతని వ్యవహారం కొంత వేరుగా ఉంటుంది. అతడు కూడా మరణిస్తాడు కాని మళ్ళీ పుట్టించబడతాడు. ఎందుకంటే మానవునికి మాత్రమే బుద్ధి జ్ఞానాలు ప్రసాదిత మయ్యాయి. తనకు తోచినట్లు చేసే, ఎంపిక చేసుకునే స్వేచ్ఛ ఇచ్చి భూమిపై పంపడం జరిగింది, తద్వారా అతని పరీక్షించాలని. కావున అతన్ని మళ్లీ పుట్టించి తన కర్మల లెక్క తీసుకోవడం జరుగుతుంది. ఒక వేళ ఈ రిపోర్ట్ సంతృప్తి కరంగా ఉంటే, అనగా పరీక్షలో ఉత్తీర్ణుడైతే తత్ఫలితంగా శాశ్వతంగా ఉండే స్వర్గం లో ప్రవేశం పొందుతాడు. అక్కడ నుండి అతన్ని తీసేయడం జరగదు. అతను కూడా అక్కడి నుండి బయటకు రావాలనుకోడు. ఒకవేళ రిపోర్ట్ అసంతృప్తి కరంగా ఉంటే, అనగా పరీక్ష లో నెగ్గనట్టయితే తత్ ఫలితంగా శాశ్వతంగా నరకం లో పడవేయడం జరుగుతుంది. అక్కడి నుంచి అతడు పారిపోవాలని అనుకున్నా పారిపోలేడు. ఎందుకంటే అక్కడ బలమైన దైవ దూతలు నియమితులయి ఉంటారు.

మానవులందరి సృష్టి కర్త అల్లాహ్ యే అని, మరణం తరువాత మళ్ళీ పుట్టించబడటం అనివార్యమని, ఇహలోకం లో చేసిన పనులకు ప్రతి ఫలం లభిస్తుందని మంచి పనులకు ఫలితం స్వర్గమని, చెడు పనులకు ఫలితంగా నరకమని మనిషి నైజం లోనే పెట్టడం జరిగింది. ఇంకా ప్రవక్తలను పంపి తెలియజేయడమూ జరిగింది. ఎవరైతే ప్రవక్తలు చెప్పిన విధంగా మంచి పనులు చేసారో వారు స్వర్గాన్ని తమ కళ్ళారా చూసి తమ సత్ఫలితంపై సంతోషాన్ని వ్యక్త పరుస్తూ కృతజ్ఞతలు తెలుపుతుంటారు. మరెవరైతే తిరస్కరించారో తమ కళ్ళల్లో నరకాన్ని చూస్తూ పశ్చాత్తాప పడుతూ ఉంటారు. బాధపడుతూ ఉంటారు. ఇంకా మంచి పనులు చేసేందుకు భూమి పైకి పంపించ మని పిర్యాదు చేస్తుంటారు. కాని వారి ఈ కోరిక ఎప్పటికీ నెరవేరదు. ఎందుకంటే ఏ ప్రపంచం అయితే అతన్ని ఎమరుపాటుకు గురిచేసిందో ఆ ప్రపంచమూ ఉండదు. దాని హంగు పొంగులూ ఉండవు.

ఉర్దూ మూలం: ముహమ్మద్‌ అజీజుద్దీన్ ఖాలిద్.
తెలుగు అనువాదం: ముహమ్మద్ ముష్తాక్.

Disclaimer: The views expressed in this blog post are those of the authors and do not necessarily reflect the views of Jamaat-e-Islami Hind Telangana

جب آپ سفر کا ارادہ کرتے ہیں تو سیدھے اور محفوظ راستے کا انتخاب کرتے ہیں تاکہ امن و عافیت کے ساتھ اپنی منزل مقصود کو پہنچ سکیں۔ ان راستوں کو اختیار نہیں کرتے جو مخدوش ہوں یا جن میں جان و مال کا خطرہ ہو۔ اگر آپ راستے سے نا واقف ہوں تو واقف کار پر بھروسہ کرتے ہیں اور اس کی رہنمائی میں سفر جاری رکھتے ہیں۔ ہر شخص کے پیچھے نہیں چل پڑتے جو کہیں بھی جا رہا ہو۔
کیا آپ مذہب کے معاملے میں بھی یہی کر رہے ہیں؟ شاید نہیں! ٹھیک ہے میں آپ کی مدد کرتا ہوں۔ میں اس راستے کا نام بتاتا ہوں جس پر آپ نہایت اطمینان کے ساتھ اپنا سفر جاری رکھ سکتے ہیں یہاں تک کہ ایک دن آپ اپنے خالق و مالک کی جنت میں پہنچ جائیں گے اور اس انسان کا بھی نام بتاتا ہوں جس کی رہنمائی میں آپ یہ سفر بلا خوف وخطر نہایت آرام کے ساتھ جاری رکھ سکتے ہیں۔
اس راستے کا نام ہے اسلام یعنی سلامتی کا راستہ، اس خالق و مالک کا نام ہے اللہ رب العالمین یعنی خدائے واحد جو سارے جہانوں کا پالنے والا ہے اور اس انسان کا نام ہے محمد رسول اللہ یعنی محمد (ﷺ) جو خدا کے پیغمبر ہیں۔
محمد عزیزالدین خالد
حیدرآباد۔

Disclaimer: The views expressed in this blog post are those of the authors and do not necessarily reflect the views of Jamaat-e-Islami Hind Telangana

انسان کو اخلاق خود اس کے خالق و مالک نے سکھائے ہیں کیوں کہ یہ اسی کا حق تھا کہ وہ انسان جیسی ذی عقل و ذی شعور ہستی کو پیدا کر کے دنیا میں بھیجنے کے بعد اس کو زندگی گزارنے کے طریقے بھی سکھاتا۔ چنانچہ اس نے انسان کی سرشت میں نیکی اور برائی کے رجحانات رکھ دیے پھر اس کی رہنمائی کے لیے کچھ نیک انسانوں (پیغمبروں) کا انتخاب کیا، ان پر وحی کے ذریعے تعلیمات نازل کیں اور انہیں حکم دیا کہ وہ ان تعلیمات پر خود بھی ایمان لا کر پوری طرح عامل ہو جائیں اور انہیں دیگر انسانوں تک بھی پہنچا دیں۔ انہی تعلیمات کا نام اسلام ہے۔ چنانچہ خدا کے یہ پیغمبر دنیا کے کونے کونے میں پہنچے یا ان کے ماننے والے پہنچے اور وہاں بسنے والے انسانوں کو ان تعلیمات سے روشناس کرایا۔
آج دنیا میں جس مذہب میں بھی یہ تعلیمات جس حد تک بھی پائی جاتی ہیں وہ انہیں پیغمبروں کی یا ان کے ماننے والوں کی پہنچائی ہوئی تعلیمات کی باقیات ہیں اور جس شخص کے اندر بھی جذبہ انسانیت پایا جاتا ہے وہ خداوند عالم کا ودیعت کردہ ہے۔
اسلام کی سب سے آخری کتاب آج سے ڈیڑھ ہزار سال قبل خدا کے آخری پیغمبر حضرت محمد ﷺ پر نازل ہوئی جسے آپ قرآن کے نام سے جانتے ہیں۔ یہ کتاب ہر قسم کی تحریفات سے پاک ہے۔ یہ آج سے لے کر دنیا کے خاتمے تک پیدا ہونے والے تمام انسانوں کے لیے سراسر ہدایت اور روشنی ہے جس پر ایمان لا کر آدمی دنیا میں بھی کامیاب ہو سکتا ہے اور مرنے کے بعد والی زندگی میں بھی سُرخرو ہو سکتا ہے۔ دوسری صورت میں ہو سکتا ہے کہ دنیا کی اس چند روزہ زندگی میں وہ کچھ کامیابیاں حاصل کر لے لیکن آخرت میں وہ خسارے میں رہے گا۔
محمد عزیزالدین خالد
حیدرآباد۔

Disclaimer: The views expressed in this blog post are those of the authors and do not necessarily reflect the views of Jamaat-e-Islami Hind Telangana

موت ایک ایسی حقیقت ہے جس کا انکار منکرِ حق کے لیے بھی ممکن نہیں ہے۔ انسان پیدا ہوتے ہی قبر کی طرف سفر شروع کر دیتا ہے۔ جو بھی پیدا ہو گا وہ ایک دن ضرور مرے گا۔ بقاء صرف بنانے والے کو ہے بنی ہوئی ہر شئے کو فنا ہے۔ انسان بھی بنا ہوا ہے لیکن اس کا معاملہ ذرا الگ ہے۔ یہ فنا تو ہو گا لیکن اس کو دوبارہ زندہ کیا جائے گا۔ کیوں کہ یہ واحد مخلوق ہے جسے عقل وشعور سے نوازا گیا اور ارادہ واختیار کی آزادی دے کر دنیا میں بھیجا گیا تاکہ اس کی آزمائش کی جائے۔ چنانچہ اسی بنا پر اسے دوبارہ زندہ کر کے اس سے دنیا میں کارکردگی کی رپورٹ لی جائے گی۔ یہ رپورٹ اگر اطمینان بخش نکلی یعنی وہ آزمائش میں پورا اترا تو اسے انعام کے طور پر جنت میں داخل کیا جائے گا جس میں وہ ہمیشہ ہمیشہ رہے گا، نہ اس کو وہاں سے نکالا جائے گا نہ وہ خود وہاں سے نکلنا چاہے گا۔ اور اگر رپورٹ خراب نکلی یعنی آزمائش میں نا کام ثابت ہوا تو بطور سزا جہنم میں بھیج دیا جائے گا اور اسے بھی وہاں ہمیشہ رہنا ہو گا، وہ وہاں سے نکل کر بھاگنا چاہے گا لیکن بھاگ نہیں سکے گا کیوں کہ وہاں تُند خُو فرشتے نگرانی پر مامور ہوں گے۔
یہ بات انسان کی سرشت میں بھی رکھ دی گئی اور پیغمبروں کو بھیج کر بھی بتا دی گئی کہ ان کا معبود ایک اللہ کے سوا کوئی نہیں ہے، موت کے بعد ایک اور زندگی ہو گی جہاں اس کو دنیا میں اپنے کیے ہوئے اعمال کا بدلہ پانا ہے۔ نیک اعمال کا بدلہ جنت اور برے اعمال کا بدلہ جہنم ہو گا۔ تو جو لوگ پیغمبروں کی بات مان کر دنیا میں نیک عمل کیے ہوں گے وہ جنت کو اپنی آنکھوں کے سامنے دیکھ کر اپنی خوش انجامی پر مسرور ہو رہے ہوں گے اور شکر بجا لا رہے ہوں گے اور جن لوگوں نے انکار کیا ہو گا اور سرکشی کی رَوش اختیار کی ہو گی وہ جہنم کو آنکھوں سے دیکھ رہے ہوں گے اور پچھتا رہے ہوں گے، افسوس کر رہے ہوں گے اور فریاد کر رہے ہوں گے کہ انہیں دوبارہ دنیا میں بھیجا جائے تاکہ وہ کچھ نیک عمل کر سکیں۔ لیکن ان کی یہ خواہش کبھی پوری نہیں ہو گی کیوں کہ نہ یہ دنیا ہو گی نہ اس کی رنگینیاں جس کی چکا چوند نے ان کو اس دن سے غافل کر دیا تھا۔۔
محمد عزیزالدین خالد
حیدر آباد۔

Disclaimer: The views expressed in this blog post are those of the authors and do not necessarily reflect the views of Jamaat-e-Islami Hind Telangana