Urdu

زیر اہتمام شعبہ ایچ آرڈی و اسلامی معاشرہ،جماعت اسلامی ہند، تلنگانہ

(وفاق العلماء،تلنگانہ سے اشتراک کے ساتھ  )

تمہید : تلاوتِ کلامِ پاک ایک بہت بڑی عبادت ہونے کے ساتھ ساتھ ایمان کو تروتازہ رکھنے کامؤثر ترین ذریعہ ہے۔ افراد تحریک اسلامی کے لئے توقرآن کی تلاوت مسلسل کرتے رہنا  نہایت ضروری ہے  ،یہ مومن کی روح کی غذا ، اس کے ایمان کو تروتازہ اور سرسبز و شاداب رکھنے کا اہم ترین ذریعہ اور مشکلات و موانع کے مقابلے کے لیے اس کا سب سے مؤثر ہتھیار ہے۔قرآن کریم کے حقوق میں ایک اہم ترین اور اولین حق یہ ہے کہ صحت لفظی اور ضروری قواعد کی رعایت کرتے ہوئے اس کی تلاوت کی جائے۔قران میں اللہ عزوجل کا ارشاد ہے:وَرَتَّلْنَاہُ تَرْتِیْلًا “۔ہم نے اسے ترتیل کے ساتھ نازل کیا ہے( الفرقان:32 )،پھر ترتیل ہی کے ساتھ پڑھنے کا حکم فرمایا ہے؛ چنانچہ دوسری جگہ ارشاد ہے:”وَرَتِّلِ الْقُرْآنَ تَرْتِیْلًا”۔اور قرآن کی تلاوت اطمینان سے صاف صاف کیا کرو۔(المزمل:4)حدیث میں ہے “زَیِّنُوالْقُرْاٰنَ بِاَصْوَاتِکُمْ”۔ اپنی آواز سے قرآن کو مزین کرو ۔(ابو داؤد،استحباب الترتیل فی القرأت،حدیث نمبر:1256)۔

قرآن مجید کے حروف کی شناخت،ان کے مخارج کا صحیح علم اور رموزِ اوقافِ قرآنی کی ضروری معلومات کی تحصیل ہے،جسے اصطلاحاً تجوید کہتے ہیں اور جس کے بغیر قرآن مجید کی صحیح اور رواں تلاوت ممکن نہیں۔ افسوس کہ اِدھر ایک عرصے سے مساجد و مکاتب کی تعلیم کے زوال  کی وجہ سے یہ صورتِ حال پیدا ہو چکی ہے کہ مسلمان قوم کی نوجوان نسل کی ایک عظیم اکثریت حتیٰ کہ بہت سے بوڑھے اور ادھیڑ عمر کے لوگ بھی قرآن مجید کو درست ناظرہ  کے ساتھ پڑھنے پر قادر نہیں ہیں۔ چوں کہ جماعت اسلامی ہند اسی معاشرہ کا ایک حصہ ہے لہذا یہ کمی ہمارے ارکان جماعت،ممبران ایس آئی او اور جی آئی او  میں بھی محسوس کی جاتی رہی ہے۔ فہم قرآنی کی اہمیت سے قطعاً انکار نہیں لیکن اگر دروس قرآن اور قرآنی مذاکروں میں ہمارے ارکان کمزور تلاوت کا مظاہرپ کریں تو ان کی بات بالکل بے اثر ہوکر رہ جاتی ہے۔لہذا ضرورت اس بات کی ہے کہ ہم اپنی اس کمی کا احساس کریں اور جلد از جلد اسے دُور کرنے کی کوشش کریں، اور خواہ وہ عمر کے کسی بھی مرحلے میں ہوں قرآن مجید کو صحیح پڑھنے کی صلاحیت لازماً پیدا کریں۔ ساتھ ہی ہمیں چاہیے کہ اپنی اولاد کے بارے میں یہ طے کر لیں کہ ان کی تعلیم کی ابتدا اسی سے ہو گی اور سب سے پہلے وہ قرآن کے حروف کی پہچان اور ان کو صحیح مخارج سے ادا کرنا سیکھیں گے۔

 اس معاملے میں حد سے زیادہ غلو تو اگرچہ اچھا نہیں لیکن قرآن مجید کو روانی کے ساتھ صحیح اصوات و مخارج اور رموزِ اوقاف کی رعایت و لحاظ کے ساتھ پڑھنے پر قادر ہونا تو ہر معمولی پڑھے لکھے انسان کے لیے بھی لازم اور قرآن مجید کے حق تلاوت کی ادائیگی کی شرطِ اوّلین ہے۔اسی جذبے کے ساتھ قرآن سے متعلق ان کورسز کا اہتمام کیا جارہا ہے۔ کوشش کی جائے گی کہ اس میقات کے دوران حلقہ تلنگانہ کے سبھی ارکان جماعت اسلامی ہند  کے ساتھ ممبران ایس آئی او اور جی آئی او کو صحت تلاوت اور تجوید کے ساتھ قراءت کو پروان چڑھانے کے مواقع فراہم کئے جائیں۔ یہ کورسز تسلسل  سے  ماہانہ  اور دو ماہی مدت کے دورانیہ کے ساتھ جاری رہیں گے اور ہم اپنے کیڈر کوبھی اس جانب متوجہ کرتے رہیں گے کہ وہ خود کی اصلاح کے اس  بہترین موقع کو ہرگز نہ گنوائیں۔ارکان کی کلاسزکے دور کی تکمیل کے بعد ان شاءاللہ ان  کورسزمیں کارکنان، متفقین اور عام مسلمانوں کے لئے بھی داخلے کھول دیے جائیں گے۔اس بات کی بھرپور کوشش کی جارہی ہے کہ یہ سبھی کورس موقر علمائے کرام اور تجربہ کارحفاظ قرآن کی نگرانی میں چلائے جائیں چنانچہ نصاب کی تدوین  اور نگرانی کے لئے بھی ایک باضابطہ کمیٹی تشکیل دی گئی ہے۔ جماعت اسلامی ہند، حلقہ تلنگانہ کے دونوں شعبے ایچ آرڈی اور اسلامی معاشرہ ، وفاق العلماء تلنگانہ کے اشتراک کے ساتھ اس کورس کی معیاری عمل آوری کو یقینی بنانے میں بھر پور تعاون اورموثر نگرانی کا فریضہ بھی انجام دیں گے۔ یہ پہلے مرحلے کی کاوش ہے اگلے مراحل میں قرآنی عربی سیکھنے اور فہم قرآنی سے متعلق کورسوں کی جانب بھی توجہ دی جائے گی۔

کورس کے مقاصد:

بنیادی تجویدکورس  کے مقاصد:

اس کورس سے گذرنے کے بعد تمام شرکائے کورس اس قابل ہوجائیں کہ :

• ناظرہ قرآن کے بنیادی پہلووں سے انہیں پوری واقفیت ہوجائے اور ناظرہ قرآن صحت کے ساتھ کرسکیں
• قرآن کے حروف کی  حتی الوسع درست  ادائیگی  کرسکیں
• صحت لفظی اور ضروری قواعد تجوید کی رعایت کرتے ہوئے قرآن کی  درست تلاوت کرسکیں
• اعراب کی اچھی طرح  شناخت کرسکیں  اور  متن  کی تلاوت کے دوران حتی الوسع  ان کا ادراک بھی کرسکیں
• وہ رموز و اوقاف سے بڑی حد تک واقف ہو جائیں اور تلاوت قرآن میں ان کا  حتی الوسع  لحاظ رکھ سکیں۔

اعلیٰ تجویدکورس  کے مقاصد:

اس کورس سے گذرنے کے بعد تمام شرکائے کورس اس قابل ہوجائیں کہ :

• مخارج وصفات و دیگر بنیادی قواعد سے اچھی طرح واقف ہوجائیں اور ان کے اعتبار سے قرآن  کے حروف کی درست  ادائیگی  کرسکیں
• صحت لفظی اور ضروری قواعد تجوید کا مکمل لحاظ رکھتے ہوئے قرآن کی بالکل درست تلاوت کرسکیں
• تجوید کے پیچیدہ اور نازک نظام کو اچھی طرح سمجھ لیں اور متنوع قواعد پر مکمل عبور حاصل کرلیں
• اعراب کی مکمل شناخت کرسکیں  اور  متن  کی تلاوت کے دوران ان کا فوراً  ادراک بھی کرسکیں
• وہ رموز و اوقاف سے پوری طرح واقف ہو جائیں اور تلاوت قرآن میں ان کا  مکمل لحاظ رکھ سکیں۔

کورس کے اہداف:

ان کورسوں کا ہدف شرکائے کورس میں  درج ذیل مہارتوں اور صلاحیتوں کی نشوونما ہوگا :

• صوتی مہارتیں (فونیٹک اسکلز)
• مطالعہ کی مہارتیں (ریڈنگ اسکلز)
• سننے کی مہارتیں (لرننگ اسکلز)

کورس کے ذمہ داران: درج ذیل افرادبنیادی اوراعلی ٰ تجوید کےقرآنی  کورسوں کےمعیاری انعقاد اور اعلیٰ نظم و انصرام کے ذمہ دار ہوں گے۔

کورس کوارڈی نیٹر:                      مولاناعرفان فلاحی صاحب

 معاون کوارڈی نیٹر(برائے  مرد حضرات) :   مولانا رکن الدین ندوی صاحب

معاون کوارڈی نیٹر (برائے خواتین) : محترمہ حافظہ حمیرہ نشاط صاحبہ

نوٹ: قرآنی  کورسوں کے نظم و انصرام کے ذمہ داران عمل آوری کے لئے مرکزی کوارڈی نیٹربرائےلینگویج اسکلز گروپ شعبہ ایچ آرڈی جناب عبدالغنی صاحب کو جوابدہ ہوں گے اور انہیں پابندی کے ساتھ ماہانہ اور حسب ضرورت دیگر رپورٹیں فراہم کرتے رہیں گے۔

استفادہ کنندگان : یہ دونوں کورس ارکان جماعت اسلامی ہند، ایس آئی او اور جی آئی اوتلنگانہ کے لئے خاص طور پر ڈیزائین کئے گئے ہیں۔

کورس کا الحاق : ان دونوں کورسوں کا الحاق جماعت اسلامی ہند،حیدرآباد کی دو معروف دینی درسگاہوں  جامعہ دارالہدیٰ اور جامعہ ریاض الصالحات سے ہوگا۔ کورس کی تکمیل کے بعد مرد حضرات کو جامعہ دارلہدیٰ  سے اور خواتین کو جامعہ ریاض الصالحات سے اسنادات دی جائیں گی۔

مدت کورس : بنیادی کورس کی مدت ایک ماہ یعنی چار ہفتوں پر مشتمل ہوگی ، جب کہ اعلیٰ تجوید کا کورس دو ماہ یعنی آٹھ ہفتوں پر مشتمل ہوگا۔ کلاس ہفتہ میں پانچ دن ہوں گی۔ بنیادی تجویدکورس کا آغازان شاءاللہ یکم ستمبر2020 ءسے ہوگا۔اس کورس کا افتتاحی اجلاس/ 30 اگست 2020 ءکو ٹھیک /11بجے دن ہوگا۔

کورس کےاوقات :

برائے مرد حضرات:   صبح    06:30    تا    07:30 بجے اوررات   09:00  تا    10:00 بجے ہوں گے۔

برائے خواتین: صبح   07:00 تا  08:00  بجے اور09:00 تا  10:00  بجے ،دوپہر03:00    تا    04:00  بجے  اور

         رات   8:00   تا    09:00 بجے ہوں گے۔(نوٹ:  شیڈیولس میں حسب سہولت حذف و اضافہ ہوسکتاہے)

تعداد طلبا : ہر کلاس کے گروپ میں 18 تا 20   افراد کی شرکت رہے گی۔

معلمین :  حسب ذیل اساتذہ اکرام اپنی خدمات انجام دیں گے:

1۔ مولانا شیخ رکن الدین ندوی نظامی صاحب          2۔   مولانا حافظ عمادالدین عمری مدنی صاحب           3۔ مولانا مفتی شوکت علی قاسمی صاحب 4۔مولانا مفتی طیب عبدالسلام قاسمی صاحب          5۔مولانا شفیق احمد خان فلاحی صاحب

معلمات :  حسب ذیل معلمات اپنی خدمات انجام دیں گی:

1۔ محترمہ حمیرہ نشاط صاحبہ          2۔   محترمہ امۃ الرزاق تسلیم صاحبہ 3۔ محترمہ محمد نجمہ صاحبہ 4۔محترمہ امۃ البصیر سلمیٰ صاحبہ

کورس کے اخراجات:  شرکاء سے بطور فیس کوئی رقم نہیں لی جارہی ہے ،البتہ حسب سہولت تعاون و عطیہ کی اپیل  کی جاتی ہے۔ان کلاسز پر ہونے والا خرچ  شعبہ ایچ آرڈی اور شعبہ اسلامی معاشرہ، جماعت اسلامی ہند، تلنگانہ  کے بجٹ سے مشترکہ طور پرادا کیا جائے گا۔

کورس کا رجسٹریشن : کورس کی سبھی  تفصیلات                               www.jihts.orgپر موجود ہیں۔ داخلہ محدود اور اولین رجسٹریشن کی بنیاد پر ہی ہوگا۔ رجسٹریشن کے لئے https://forms.gle/vcxwe3yVjEvXtURz6 پر کلک کریں۔اس لنک کو عام نہ کریں۔

کورس کا نظم و ضبط: کورس کا اہتمام آن لائین زوم (Zoom)پر ہوگا۔ زوم (Zoom)کا لنک شرکاء کو امانت کے طور پر حوالے کیا جائے گا۔یہ ناقابل منتقلی ہوگا ۔ اگر کسی وجہ سے آپ کورس منقطع کررہے ہوں تو اس کی اطلاع کوارڈی نیٹرز کو دے دیں کسی اور کے ساتھ  ہرگزاس لنک کو کو شئیر نہ کریں۔کلاس سے پانچ منٹ قبل لنک کو جوائن کرلیں اس لئے کہ دس منٹ بعد داخلہ ممکن نہ ہوگا۔ پوری کلاس میں تندہی کے ساتھ  حاضر رہیں درمیان سے اچانک غائب نہ ہوجائیں۔ اپنی ٹکنالوجی سے متعلق ضروریات کا قبل از وقت خود انتظام کرلیں۔صحت یا عذر شرعی کی صورت میں اپنے معلم یا معلمہ سے اجازت حاصل کرلیں۔درمیان میں کلاس کو ڈسٹرب نہ کریں اور زیادہ ترمیوٹ(Mute) پر رہیں صرف حسب ضرورت ہی خود کو ان میوٹ (Un Mute) کریں۔ اپنے معلم یا معلمہ کے ساتھ مکمل تعاون کریں اور ہوم ورک اور تفویضات (Assignments)کی بروقت تکمیل میں  ہرگز تساہل نہ برتیں۔یاد رکھیں نظم و ضبط کی پابندی اور مسلسل حاضری   ضروری ہے ورنہ کورس  کا ہدف اور اس کے مقاصد حاصل نہیں ہوں گے۔

نصاب کمیٹی :

کورس کی تدوین، اس کی حسب موقع و ضرورت تزئین نواور نگرانی و جائزہ کے لئے شعبہ ایچ آرڈی واسلامی معاشرہ نےایک نصاب کمیٹی تشکیل دی ہے۔مولانا احمد عبدالعظیم صاحب اس نصاب کمیٹی کے چیئرمن اور مولانا محمدعرفان احمدصدیقی فلاحی نظامی صاحب کنوینر ہوں گے۔ کمیٹی کی مدت کارکردگی ایک سال ہوگی۔ ہر دو ماہ میں نصاب کمیٹی کا اجلاس لازمی طور پر بلایا جائے گا اور اس کی رپورٹ شعبہ ایچ آرڈی کوداخل کی جائے گی،اس رپورٹ پر شعبہ ایچ آرڈی اور اسلامی معاشرہ کے ذمہ داران اپنی فیڈ بیک دیں گے۔

ارکان نصاب کمیٹی:

٭          مولانا احمدعبدالعظیم صاحب(چیئرمن)       ٭          مولانا محمدعرفان احمدصدیقی فلاحی نظامی (کنوینر)

٭          مولانا شیخ رکن الدین ندوی نظامی صاحب   ٭          مولانا عبدالسلام قاسمی نظامی صاحب           ٭       مولانا مفتی شوکت علی قاسمی صاحب ٭       مولانا حافظ عمادالدین عمری مدنی صاحب             ٭           مولانا عظیم الدین فلاحی صاحب              ٭            محترمہ حمیرہ نشاط صاحبہ             ٭       محترمہ امۃ الرزاق تسلیم صاحبہ

بسم اللہ الرحمن الرحیم

بنیادی تجوید کورس۔ارکان جماعت اسلامی ہند ۔ ممبران ایس آئی او اور جی آئی او

نصاب تیار کردہ تعلیمی نصاب کمیٹی،     وفاق العلماء 

بسم اللہ الرحمن الرحیم

اعلیٰ تجوید کورس۔ارکان جماعت اسلامی ہند ۔ ممبران ایس آئی او اور جی آئی او

نصاب تیار کردہ تعلیمی نصاب کمیٹی،     وفاق العلماء