News Archives - Page 13 of 32 - Jamat-e-Islami Hind Telangana

Written by NewsroomAugust 15, 2022

برائٹ بگن کی جانب سے دو روزہ بزنس ا یکسپو۔2 کا کامیاب انعقاد

جماعت اسلامی ہندتلنگانہ کے ادارے برائٹ بگن کی جانب سے دو روزہ بزنس ا یکسپو۔2 کا کامیاب انعقاد

امیر حلقہ تلنگانہ مولانا حامد محمد خان کے ہاتھوں افتتاح‘سابق ڈی جی پی ایس انوارالھدیٰ کی شرکت

سینکڑوں نوجوانوں نے استفادہ کیا، صدر برائٹ بگن تلنگانہ ڈاکٹر شیخ محمد عثمان کی جانب سے مندوبین کا خیر مقدم

تجارت کی جانب راغب ہونے علماء و دانشوروں کا نوجوانوں کو مشورہ‘ ماہرین صنعت و تجارت کی جانب سے عملی رہنمائی

جماعت اسلامی ہند حلقہ تلنگانہ کے قائم کردہ ادارہ برائٹ بگن کی جانب سے دو روزہ بزنس ایکسپو۔2 کا عظیم الشان پیمانے پر تاج فنکشن پیالیس‘ بنڈلہ گوڑہ حیدرآباد پر 13‘ 14 ا گسٹ بروز ہفتہ و اتوار انعقاد عمل میں آیا۔ محترم امیر حلقہ جماعت اسلامی ہند حلقہ تلنگانہ مولانا حامد محمد خان نے اس ایکسپوکا افتتاح انجام دیا۔ سابق ڈی جی پی ایس انوارالھدیٰ اور جناب محمد نصیرالدین جنرل سکریٹری جماعت اسلامی ہند حلقہ تلنگانہ‘ جناب عبدالقدیر‘ چیرمین شاہین گروپ افتتاحی تقریب کے موقع پر موجود تھے۔ اس دوروزہ عظیم الشان ایکسپو میں دونوں شہروں حیدرآباد و سکندرآباد کے علاوہ ریاست وبیرون ریاست کے کئی مقامات سے دلچسپی رکھنے والے افراد (مردوخواتین) نے استفادہ کیا۔ اس موقع پر سمینار‘ سمپوزیم‘ مباحثہ اور تقاریر بھی ہوئیں جس سے ماہرین صنعت و تجارت نے اظہار خیال کیا۔ افتتاحی اجلاس کے موقع پرامیر حلقہ جماعت اسلامی ہند حلقہ تلنگانہ مولانا حامد محمدخان نے کہا کہ مسلم نوجوان اپنی پوشیدہ تخلیقی صلاحیتوں کو بروکار لاتے ہوئے صنعت و حرفت میں اپنا مقام پیدا کریں اور تجارت کو اپنا نصب العین بنائیں کیونکہ یہ ہماری کھوئی ہوئی میراث ہے۔ وہ دوسروں پر انحصار کرنے کے بجائے خود اپنے اندرخود اعتماد ی و انحصاری پیدا کریں۔ مولانا نے کہا کہ ملازمت کے بجائے کاروبار کو ترجیح دیں۔ جناب ایس اے ھدیٰ سابق ڈی جی پی متحدہ آندھراپردیش نے اس طرح کی کامیاب ایکسپو کے انعقاد پر برائٹ بگن کے منتظمین کو مبارکباد پیش کی۔ جناب ڈاکٹر شیخ محمد عثمان صدر برائٹ بگن تلنگانہ نے تمام مندوبین اور مہمانان کا اس دو روزہ ایکسپو میں خیر مقدم کیا۔ اُنہوں نے کہا کہ چار ماہ قبل بھی حیدرآباد میں بزنس ایکسپو۔1 منعقد کیا گیا تھا جو کافی کامیاب رہااس کے مقابلہ میں ایکسپو۔2 میں عوام نے مزید دلچسپی اورسنجیدگی کے ساتھ اس ایکسپو میں شرکت کی اور اپنے بہترین تاثرات پیش کئے۔ اُنہوں نے کہا کہ مسلم نوجوان تجارت کے میدان میں آگے بڑھیں اور محنت و جستجو کے ذریعہ اپنے خوابوں کی دنیا آباد کریں۔ وہ ملک کے وسائل میں اپنا حصہ ادا کریں۔ اس ایکسپو میں سو سے زائد تاجرین نے اسٹالس لگائے اور اپنے کامیاب تجربات شیئر کیے۔ جناب مسعود صہیب‘ جناب محمدکلیم الدین‘جناب سید منیر الدین، جناب میرعبا س علی جناب‘ جناب امیر الدین‘ جناب بابا محی الدین‘ جناب مقصود ہاشمی،جناب عبد القدیر،جناب عبد العظیم ودیگر رفقاء نے انتظامات میں حصہ لیا۔

Written by NewsroomAugust 1, 2022

جماعت اسلامی ہند حلقہ تلنگانہ کی جانب سے 5تا15/اگسٹ 2022 دس روزہ مہم

جماعت اسلامی ہند حلقہ تلنگانہ کی جانب سے 5تا15/اگسٹ 2022 دس روزہ مہم

بعنوان”قُمْ فَاَنْذِرْ وَرَبَّکَ فَکَبِّرْ“ (اُٹھو اور خبردار کرو اور اپنے رب کی بڑائی کا اعلان کرو)، منائی جائے گی۔

ذمہ دارانِ جماعت حلقہ تلنگانہ کے اجتماع سے امیرحلقہ مولانا حامدمحمدخان وسکریٹریز حلقہ کا اظہار خیال

ملک میں بڑھتی تنگ نظری، فرقہ پرستی،تفریق (Polarisation) اور اقلیتوں پر ظلم وزیادتی کے واقعات نے اُمت مسلمہ کو بے چین کردیا ہے اور اُمت کا ایک طبقہ مایوسی کا شکار ہے۔ داعیان حق کی ذمہ داری ہے کہ وہ اُمت مسلمہ کو ڈھارس بندھائے،ان میں یقین واعتماد پیدا کرے اور دین حق پرثابت قدمی کے لیے تیار کرے۔ اس پیغام کو عام کرنے کے لیے جماعت اسلامی ہند حلقہ تلنگانہ کی جانب سے دس روزہ مہم بعنوان”قُمْ فَاَنْذِرْ وَرَبَّکَ فَکَبِّرْ“ اُٹھو اور خبردار کرو اور اپنے رب کی بڑائی کا اعلان کرو۔ ریاست بھر میں منائی جائے گی۔ ان خیالات کا اظہار امیرحلقہ جماعت اسلامی ہند حلقہ تلنگانہ مولانا حامدمحمدخان نے بروز اتوار، اسلامک سنٹر لکڑکوٹ پرذمہ دارانِ جماعت کے اجتماع سے مخاطب کرتے ہوئے کیا۔ مولانا نے اپنے خطاب میں کہا کہ ہم اللہ کے دین سے والہانہ محبت کریں اوردین پراستقامت کے ساتھ جم جائیں اور اپنے اندر اخلاص کی صفت پیدا کریں۔ جناب محمدنصیرالدین جنرل سکریٹری حلقہ تلنگانہ نے افتتاحی کلمات میں مہم کی تفصیلات پیش کرتے ہوئے کہاکہ اس مہم کا مقصد اُمت کو کردارسازی کی طرف رہنمائی کرنا،ان کی صلاحیتوں کے مثبت استعمال پر انہیں متوجہ کرنا،ان میں توکل،یقین اور ایمان پراستقامت پیدا کرنا اور انہیں اقامت دین سے وابستگی کی دعوت دینا ہے۔ انہوں نے کہا کہ جماعت چاہتی ہے کہ اس مہم کے ذریعہ اُمت مسلمہ کو بیدار کیاجائے ان میں جرأت،استقامت اور دلیری پیدا کی جائے اور انہیں من چاہی ومن مانی زندگی چھوڑ کر رب چاہی زندگی کی طرف بلایاجائے۔انہوں نے مزید کہا کہ جماعت اسلامی ہندچاہتی ہے کہ ہر محلہ اور آبادی میں اسلامی اجتماعیت قائم ہواور ملت اسلامیہ میں اسلامی کردارواخلاق پروان چڑھیں اورمعاشرہ اور سماج کی اصلاح کا کام ہو۔ ساتھ ہی برادران وطن تک دین اسلام کے پیغام کوپہنچانے کے لیے سعی وجہد کی جائے۔ انہوں نے ملت اسلامیہ کے افراد سے اپیل کی کہ وہ ان کاموں کی انجام دہی کے لیے جماعت اسلامی ہند کے ساتھ ہم قدم ہوجائیں۔

جناب محمدعبدالرقیب حامدلطیفی، سکریٹری شعبہ فکراسلامی کا فروغ حلقہ تلنگانہ کے درس قرآن سے تفہیمی وتربیتی اجتماع کا آغاز ہوا۔انہوں نے تعلق باللہ کے حوالہ سے درس قرآن دیتے ہوئے کہا کہ ہم قرآن مجید کی کثرت سے تلاوت اورنمازِ تہجد کے ذریعہ تعلق باللہ کی کیفیت کومضبوط کریں۔ڈاکٹر محمدفہیم الدین احمد‘رکن شوریٰ حلقہ تلنگانہ نے اپنے خطاب میں مہم کو کامیاب بنانے تمام وابستگان جماعت سے اپیل کی۔ جناب سید عبدالباسط انورسکریٹری شعبہ تربیت نے ”نبی کریم ﷺ کی دعوتی جدوجہد“کے عنوان پہ درس حدیث پیش کی۔ جناب محمدریاض الدین، سکریٹری شعبہ توسیع دیہی علاقہ جات نے بھی اس موقع پر خطاب کیا۔ جناب محمدتنویراحمد‘جناب محمدعبدالاحد سہیل نے پروگرام کی نظامت کی۔ تمام شعبہ جات کے سکریٹریز حلقہ،ریاستی ناظمہ شعبہ خواتین محترمہ آسیہ تسنیم،قائم مقام ناظم شہرانجینئر محمداعظم علی بیگ کے علاوہ نظمائے ضلع،ضلعی ناظمات‘نظمائے حلقہ کارکنان اس موقع پر موجودتھے۔

Written by NewsroomJuly 29, 2022

علم دین کا حصول عظیم شرف‘ اقامت دین کی جدوجہد میں عالمات اپنا رول ادا کریں

ریاستی عالمات کنونشن سے مولانا ڈاکٹر محمد رضی الاسلام ندوی‘ محترمہ ساجدہ ابواللیث فلاحی‘ مولانا حامد محمد خان‘ محترمہ آسیہ تسنیم کے خطابات

Aalimat convention hyderabad

جماعت اسلامی ہند حلقہ تلنگانہ (شعبہ عالمات) کے زیر اہتمام عالمات و فارغات دینی مدارس کا ریاستی کنونشن مرکزی موضوع قُمْ فَاَنْدِر ْ وَرَبَّکَ فَکَبِّرْ ”اُٹھو اور خبر دار کرو اور اپنے رب کی بڑائی کااعلان کرو“ کے عنوان پر جامعہ دارالھدیٰ وادی ھدیٰ‘ حیدرآباد پر منعقدہوا۔ اس موقع پر مولانا ڈاکٹر محمد رضی الاسلام ندوی‘ سکریٹری شعبہ اسلامی معاشرہ مرکز و سکریٹری شریعہ کونسل دہلی نے اپنے کلیدی اور صدارتی خطاب میں عالمات کو مخاطب کر تے ہوئے کہا کہ علم دین کا حصول عظیم شرف ہے۔ اور یہ اللہ تعالیٰ کا بڑا انعام ہے جس کی ہمیں قدر کرنی چاہیے مولانا نے کہا کہ عالمات و فاضلات کا مقام عام مسلم خواتین سے بڑھ کر ہے اس لئے کہ وہ اعلیٰ دینی تعلیم سے آراستہ ہیں۔ اگر وہ اصلاح معاشرہ اور اقامت دین کا کام انجام دینگی تو دہرے اجر کی مستحق ہونگی۔ مولانا ندوی نے کہا کہ قرآن مجید میں جتنے احکام دیے گئے ہیں سب کا خطاب مرَدوں سے بھی اور عورتوں سے بھی ہے۔ اُنہوں نے کہا کہ اقامت دین کی اجتماعی جدو جہد مطلوب ہے۔ اسلام کا مزاج اجتماعی ہے لہٰذا اقامت دین کا کام مسلم خواتین کو بھی انجام دینا چاہیے‘مولانا نے مزید کہا کہ اقامت دین کا اولین دائرہ کار افراد کا ذاتی ارتقاء ہے ساتھ ہی گھر کی اصلاح اور اہل خاندان کے درمیان اصلاح کا کام بھی کریں۔اِسی طرح عام انسانوں تک دین کے پیغام کو پہنچانے کی ذمہ داری میں خواتین بھی شریک ہوں۔ محترمہ ساجدہ ابواللیث فلاحی‘ معلمہ جامعۃ الفلاح اعظم گڑھ و سکریٹری شعبہ خواتین جماعت اسلامی ہند حلقہ اُتر پردیش نے ”مصلحہ و داعیہ کی صفات“ کے موضوع پر اظہار خیال کر تے ہوئے کہا کہ عالمات و فارغات نیکیوں کے فروغ اور برائیوں کے ازالہ کیلئے کمر بستہ ہو جائیں اور اپنی ذمہ داریوں کو محسوس کریں۔اور دین اسلام کے صحیح تصور سے دنیا کو روشناس کروائیں۔ امیر حلقہ جماعت اسلامی ہند حلقہ تلنگانہ مولانا حامدمحمد خان نے عالمات کنونشن سے خطاب کرتے ہوئے کہا کہ عالمات‘ پاکیزہ‘ پُراَمن معاشرہ اور سماج کی تعمیر کا عہد کریں اور اسلامی اجتماعیت کا حصہ بنیں۔اور اپنی تمام تر صلاحیتوں کو بروکار لاتے ہوئے میدان عمل میں اپنا بھرپور کر دار پیش کریں۔مولانا نے کہا کہ اللہ نے ہمیں خیر اُمت بنایا ہے۔ ہمارا مقصد نیکیوں کا حکم دینا اور برائیوں سے روکنا ہے۔ ہم اپنے گھروں کو اسلام کا قلعہ بنائیں۔مولانا نے زور دے کر کہا کہ مسلم معاشرہ و سماج سے نامعقول رسم و رواج کی زنجیروں کو ختم کریں۔ دوسری طرف وطنی بہنوں میں دعوت دین کو پہنچانے کیلئے بھی اپنے وقت اور صلاحیت کا استعمال کریں۔ ریاستی ناظمہ شعبہ خواتین جماعت اسلامی ہند حلقہ تلنگانہ محترمہ آسیہ تسنیم نے اپنے خطاب میں کہا کہ عالمات و فاضلات کو اُنکے علم کی وجہہ سے ملت میں خاص مقام حاصل ہے اور وہ قدر کی نگاہ سے دیکھی جاتی ہیں۔ جبکہ ملت اسلامیہ کو ان سے کئی توقعات بھی وابستہ ہیں جس پر پورا اترنے کی وہ بھر پور سعی و جہد کریں۔ ریاستی ناظمہ محترمہ آسیہ تسنیم نے عالمات و فاضلات سے اپیل کی کہ وہ جماعت اسلامی ہند حلقہ تلنگانہ کے شعبہ عالمات کے ساتھ جڑ کر کام کریں اور اپنے علم و صلاحیت کے صحیح استعمال کے ذریعہ میدان عمل میں اپنا کردار ادا کریں۔

کنونشن کے نشست اوّل کا آغاز محترمہ عالمہ و فاضلہ فاریہ جبین‘ پرنسپل اَمومت انسٹیٹیوٹ آف اسلامک اسٹڈیز کے درس قرآن سے ہوا۔ ریاستی ناظمہ نے افتتاحی کلمات پیش کیے۔ مہمان مقررین کے خطابات کے بعد مذاکرہ بعنوان ”سماج کی بدلتی قدریں اور عالمات کی ذمہ داریاں“منعقد ہواجس میں مختلف دینی جامعات سے فارغ عالمات و فاضلات نے حصہ لیا۔نگران مذاکرہ عالمہ و فاضلہ محترمہ حمیرہ نشاط‘ پرنسپل جامعہ ریاض الصالحات اعظم پورہ حیدرآباد نے تبصرہ پیش کیا۔ پہلے سیشن کی نظامت عالمہ و فاضلہ محترمہ سمیہ اَمتہ الرزاق معاون ناظمہ جماعت اسلامی ہند چندرائن گٹہ نے کی۔دوسرے سیشن کا آغاز عالمہ محترمہ عطیہ ربی صالحاتی‘ ڈائرکٹر عطیہ ربی ایجوکیشن اکیڈمی کے درس حدیث سے ہوا۔استحضار آخرت کے موضوع پر آپ نے درس حدیث پیش کی۔ محترمہ سیدہ ساجدہ بیگم معاون ریاستی ناظمہ حلقہ تلنگانہ نے ”جماعت اسلامی ہند کا تعارف“کے موضوع پر خطاب کیا۔ دوسرے سیشن کے نظامت کے فرائض عالمہ و فاضلہ عائشہ خالد نے انجام دیے۔ محترمہ اسماء فردوس سکریٹری شعبہ عالمات حلقہ تلنگانہ نے اظہار تشکر کے کلمات پیش کیے۔ ریاست تلنگانہ کے بیشتر اضلاع سے کثیر تعداد میں عالمات و فاضلات نے اس ریاستی کنونشن میں شرکت کی۔اس موقع پر محترمہ ناصرہ خانم،معاون مرکزی سکریٹری شعبہ خواتین جماعت اسلامی ہند،جناب محمد نصیر الدین،جنرل سکریٹری حلقہ تلنگانہ،قائم مقام ناظم شہر عظیم تر حیدرآباد انجینئر مرزا محمد اعظم علی بیگ بھی موجود تھے۔

Written by NewsroomJune 22, 2022

ڈاکٹر محمد سمیع الزماں کی تصنیف کردہ کتاب ” ایک اور زندگی” کاامیر جماعت اسلامی ہند محترم جناب سید سعادت اللہ حسینی کے ہاتھوں رسم اجراء

حیدرآباد (راست) محترم جناب سید سعادت اللہ حسینی،امیر جماعت اسلامی ہند کے ہاتھوں ڈاکٹر محمد سمیع الزماں (معروف کارڈیالوجسٹ)کی تحریر کردہ کتاب ” ایک اور زندگی” کا آج اسلامک سنٹر لکڑ کوٹ حیدرآباد پر رسم اجرائعمل میں آیا۔کتاب کا تعارف کراتے ہوئے مصنف ڈاکٹر محمدسمیع الزماں نے کہا کہ موجودہ زندگی کے بعد ایک اور زندگی کے وجود اور اس کی تفصیلات کو قرآن مجید میں اللہ تعالیٰ نے جس دلنشین اور عقل کو قائل کرنے والے انداز میں پیش کیا ہے اسے خود پڑھنا اور سارے انسانوں تک پہونچانا ہر مسلمان کی ذمہ داری ہے، اسی کے پیش نظر یہ مختصر کتاب ترتیب دی گئی ہے، اور مرکزی مکتبہ اسلامی دہلی نے اس کتاب کوشائع کیاہے۔چالیس صفحات پر مشتمل یہ مختصر کتاب سب ڈپو مکتبہ اسلامی چھتہ بازار،ھدی بک ڈپو،پرانی حویلی کے علاوہ شہر کے دینی بک شاپس پر دستیاب ہے۔تقریب رسم اجراء کے موقع پر خطاب کرتے ہو ئے محترم جناب سید سعادت اللہ حسینی، امیر جماعت اسلامی ہند کہاکہ قرآن مجید کا اعجاز ہے کہ وہ بیک وقت دل و دماغ کومخاطب کرتا ہے۔انہون نے کہا کہ اللہ کرے اس کتاب کے ذریعہ لوگوں کے دل و دماغ کو اطمینان حاصل ہو اور قرآن مجید کا پیغام سادہ الفاظ میں سارے انسانوں تک پہونچے۔جناب حامد محمد خان امیر حلقہ جماعت اسلامی ہند حلقہ تلنگانہ،جناب محمد رفیق، امیر حلقہ جماعت اسلامی ہند حلقہ آندھرا پردیش،جناب سید عزیز محی الدین،سکریٹری شعبہ تنظیم مرکز،جناب محمد نصیرالدین،جناب محمد کریم الدین سکریٹریز حلقہ تلنگانہ وآندھرا ودیگر معززین اس موقع پر موجود تھے۔ڈاکٹر سید نعمان حسن رضوی نے تقریب رسم اجراء کے پروگرام کی کاروائی چلائی اور شکریہ ادا کیا۔

Written by NewsroomMarch 21, 2022

More than 1000 youngsters attended Bright Begin’s Business Expo

While Islam offers solutions to all problems of the world, it also offers solutions to poverty. Today, there is a need for Muslim youth to develop self-reliance, get out of the habit of being dependent on others, stand on their own feet and make trade their livelihood. Maulana Hamid Mohammad Khan was addressing the first unique Business Expo of its kind organized by Bright Begin Business Guidance Center, Telangana (Department of Milli Affairs, Jamaat-e-Islami India, Telangana) at Khawaja Mansion Function Hall, Mansab Tank, Hyderabad held on 20th March, 2022.

The business expo saw extraordinary enthusiasm from the Muslim community and was attended by a large number of men and women, especially the youth. A number of stalls were set up on the occasion where business entrepreneurs presented their experiences and details of the business. Continuing his address, Maulana Hamid Mohammad Khan said that the Jamaat-e-Islami Hind Telangana is dedicated to the development of affairs of ummah. He plans to advance the youth of the nation economically, socially, spiritually and personally in every possible way. He said that Bright Begin is an organization set up by MilliUmoor department of JIH which will provide all kinds of guidance to the youth who want to advance in trade and industryso that Muslims can live a dignified life in this country.

On this occasion, Chief Guest Mufti Sadiq Mohiuddin Faheem, a leading religious scholar explained the importance and usefulness of trade with reference to Qur’an and Hadith. Guest of Honor Mr.Mohammed Lateef Khan, a prominent personality in the field of education and Chairman & Managing Director of MS Education shared his experience and stressed on the importance of persistence, perseverance and hardwork in business. Mr.Dr.Sheikh Mohammad Osman, Secretary, Department of Milli Umoorsaid that if the economy is strong and lawful then faith and religion will also be strong. MaulanaDr.Ahsan Al-Hamoumi (KhatibShahi Masjid Bagh-e-Aam) said in his address that the Prophet Mohammed (peace be upon him) said that a believer who trades with truth, trust and honesty will be with me in Paradise. Mr. Muhammad Azharuddin, Secretary, Public Relations Department, in his address said that success in business requires honesty, hard work, dedication and pursuit. He said that Allah Almighty has blessed the business. On this occasion, he gave examples of Hazrat Khadija and Hazrat Abdul Rahman bin Awf.

Mr.Yousuf Ali Khan, President, Rifah Chambers of Commerce, Telangana, said that Rifah is also the central body of Jamaat-e-Islami Hind, which is active in 17 states of the country. Maulana Yousuf Zahid, Chairman, Khadiand Village Industries Board, Telangana, in his address on the occasion mentioned various schemes of the government. On this occasion Mr.Meraj Faheem (Edventure Park) delivered his presentation on Ideation, Incubation and Funding. Dr.Nasheed Ali, Dr.Khidr Hussain Junaidy, Ms.Gulzar Karshma Malik (CA) and others also addressed the gathering. Young Entrepreneurs Dr.Muzammil Anzar of Human Care, Brother Qassim, CEO of I-Water, Hafiz Muhammad AzharMohi-ud-Din, CEO, Bio-Reform, Mr. Abu Bakar, CEO of Zibew and Full stack Academy shared their success stories. Secretaries Mr. M.N.Baig Zahid, Mr. Syed Fakhr-ud-Din Ali Ahmed, State Nazima of Women’s Department Ms.Asiya Tasneem were also present on the occasion. Mr. Abdul Mohi hosted the event and Mr.Masood Ahmed Sohaib thanked all the participants and delegates. Mr.Mohammad Kaleem uddin, Mr.Muniruddin, Mr. Mir Abbas Ali, Mr.Maqsood Hashmi, Mr.Mustafa, Mr.Yawar and other workers participated in the arrangements.