Written by NewsroomAugust 17, 2023

سابق امیر حلقہ جماعت اسلامی ہند متحدہ آندھراپردیش و سرپرست تربیت گاہ تلنگانہ مولانا سید عبد الباسط انور کا سانحہ ارتحال

سابق امیر حلقہ جماعت اسلامی ہند متحدہ آندھراپردیش و سرپرست تربیت گاہ تلنگانہ مولانا سید عبد الباسط انور کا سانحہ ارتحال

نماز جنازہ 17′ اگست بروز جمعرات بعد نماز ظہر (1:30بجے) جامع مسجد دارلشفاء ‘ نزد پرانی حویلی حیدرآباد میں ادا کی جائے گی ۔

امیر حلقہ ڈاکٹر محمد خالد مبشر الظفر و دیگر کا اظہار تعزیت
**


سابق امیر حلقہ متحدہ آندھراپردیش و سرپرست تر بیت گاہ تلنگانہ مولانا سید عبد الباسط انور صاحب ولد جناب میر احمد علی صاحب مرحوم کا بعمر 73 سال مختصر علالت کے بعد 16 اگست 2023 بروز چہارشنبہ کی رات ایک بجے حیدرآباد کے خانگی دواخانہ میں دوران علاج انتقال ہوگیا۔ وہ کل ہی جماعت اسلامی ہند حیدرآباد کے اجتماع ارکان میں درس قرآن پیش کرنے کے بعد صحت کی کچھ ناسازی محسوس کرنے پر دواخانہ میں شریک کئے گئے تھے۔
مولانا سید عبد الباسط انور اپنی نوجوانی کے زمانہ سے ہی جماعت اسلامی ہند سے وابستہ رہے وہ تحریک اسلامی کی نوجوانوں کی پہلی تنظیم ایس آئی یو کے ریاستی صدر تھے۔ جماعت اسلامی ہند کے ساتھ اپنی وابستگی کے دوران وہ کئی اہم ذمہ داریوں پر فائز رہے۔

مولانا سید عبد الباسط انور کی نماز جنازہ ان شاء اللہ بعد نماز ظہر جامع مسجد دارلشفاء حیدرآباد (1:30) بجے میں ادا کی جائے گی اور تدفین قبرستان سلطان شاہی متصل میر کا دائرہ میں عمل میں آئے گی۔

امیر حلقہ جماعت اسلامی ہند حلقہ تلنگانہ ڈاکٹر محمد خالد مبشر الظفر و دیگر ذمہ داران جماعت نے مولانا کی اچانک رحلت پر شدید رنج و غم کا اظہار کرتے ہوئے لواحقین سے اظہار تعزیت کیا۔
امیر حلقہ نے کہا کہ مرحوم اپنے آخری وقت تک تحریک اسلامی کے ایک مضبوط سپاہی کی طرح خدمات انجام دی ہیں ۔
دعا ہے کہ۔۔
اللہ تعالی ‘ مرحوم کی مغفرت فرمائے ‘ درجات بلند کرے جنت الفردوس میں اعلی مقام عطا فرمائے اور لواحقین کو صبر جمیل عطا فرمائے اور تحریک اسلامی کو انکا بہترین نعم البدل عطا کرے ۔

مزید تفصیلات کے لئے ان فون نمبرات پر ربط کیا جاسکتا ہے ۔

9704049991
9700242620

Read More
Written by NewsroomJuly 20, 2023

منی پور میں جاری دہشت وبربریت کی شدید مذمت،حکومت امن کی فضا کوفوری بحال کرے

منی پور میں جاری دہشت وبربریت کی شدید مذمت،حکومت امن کی فضا کوفوری بحال کرے
امیرحلقہ جماعت اسلامی ہندحلقہ تلنگانہ ڈاکٹر محمدخالدمبشرالظفرکامذمتی بیان

منی پور واقعات پر اظہارتشویش اور سخت مذمت کرتے ہوئے امیرحلقہ جماعت اسلامی ہند حلقہ تلنگانہ ڈاکٹر محمدخالدمبشرالظفرنے اپنے صحافتی بیان میں کہا کہ پچھلے تین مہیوں سے منی پور تشدد کی لپیٹ میں ہیفرقہ وارانہ منافرت اور طبقاتی و مذہبی انتہاپسندی شمال مشرق کی اس ایک چھوٹی سی ریاست پر اپنا تسلط جمائے ہوئے ہے۔ریاستی و مرکزی حکومت اس مسئلہ کو حل کرنے میں بری طرح ناکام ہوچکی ہے بلکہ ایسا لگتا ہے کہ بعض طاقتور سیاسی عناصر شدت پسند عسکری گروہوں کی پشت پناہی کررہے ہیں۔نفرت و عداوت کے ماحول نے انسانی جان و آبرو کی اہمیت ختم کردی ہے۔مذہبی و طبقاتی جنون انسانیت کو شرمندہ کررہا ہے۔آتشزنی لوٹ مار اور قتل و غارتگری ہی کیا کم تھے کہ معصوم خواتین کو برہنہ سڑکوں پر گشت کروایا جارہا ہے۔امیرحلقہ ڈاکٹرمحمدخالدمبشرالظفرنے کہا کہ جماعت اسلامی ہندتلنگانہ ان واقعات کی سخت مذمت کرتی ہے اور حکومت ہند سے اپیل کرتی ہیکہ وہ منی پور میں جاری اس دہشت و بربریت پر قابو پانے کے لئے ہرممکن ضروری اقدامات کرے اور ریاست کی پرامن فضا کو بحال کرے۔جماعت اسلامی ہند،حکومت تلنگانہ سے بھی مطالبہ کرتی ہے کہ ہماری ریاست کو فرقہ وارانہ منافرت کی اس لعنت سے محفوظ رکھنے کے بھرپور کوشش کرے اور شرپسند عناصر کو لگام دے اور انہیں قانون کا پابند بنائے۔جماعت اسلامی ہندتلنگانہ تمام سماجی مذہبی فلاحی اور انسانی و شہری حقوق کی تنظیموں سے اپیل کرتی ہے کہ اس موقع پر متحد ہوکر سماجی سطح پر اتحاد و بھائی چارے کی فضا کو مضبوط کرنے کی بھرپور کوشش کریں اور سب ملکر حکومت پر دباؤ ڈالیں کہ ملک میں امن و امان کی فضا کو حقیر سیاسی مفادات کی خاطر نقصان پہونچنے نہ دیں۔امیرحلقہ نے کہا کہ ظالموں اور امن دشمن عناصر کو کیفرکردار تک پہنچایاجائے اور عوام کی جان ومال،عزت وآبرو کی حفاظت کو یقینی بنایاجائے۔

Read More
Written by NewsroomJune 28, 2023

امت مسلمہ‘ ابراھیمیؑ مشن، اقامت دین کی علمبرداربنے

پریس نوٹ

امت مسلمہ‘ ابراھیمیؑ مشن، اقامت دین کی علمبرداربنے۔

ناظم شہر جماعت اسلامی ہند گریٹر حیدرآباد ڈاکٹرمحمدمبشراحمد کی جانب سے عامتہ المسلمین کوعیدالاضحی کی مبارکباد

ناظم شہرجماعت اسلامی ہندعظیم ترحیدرآباد ڈاکٹرمحمدمبشراحمدنے عامۃالمسلمین کو عیدالاضحی کی مبارکباد پیش کی۔ اپنے صحافتی بیان میں انہوں نے کہا کہ عیدالاضحی سنت ابراھیمؑ کی یاد تازہ کرتی ہے۔ ملت ابراھیمیؑ کا فرد ہونے کی حیثیت سے ہم یکسوئی کے ساتھ حنیفیت،ابراھیمیؑ مشن،دعوت توحید اور اقامت دین کے علمبردار بنیں۔ انہوں نے کہا کہ عیدالاضحی کا یہ موقع جہاں جذبہ قربانی کو پروان چڑھاتا ہے وہیں غریبوں اور ضرورتمندوں کی ضرورتوں کوپورا کرنے کی طرف متوجہ کرتا ہے۔ ڈاکٹرمحمدمبشراحمدنے کہا کہ قربانی کے ایام میں صرف قربانی کا عمل ہی اللہ تعالیٰ کو سب سے زیادہ محبوب ہے۔ لہٰذا مسلمان حتی الامکان قربانی کا اہتمام کریں۔ انہوں نے عیدکے موقع پر پاکی وصفائی کو اختیارکرنے کی بھی تلقین کرتے ہوئے کہا کہ راستوں اور گذرگاہوں پر قربانی نہ کریں۔ صفائی،ستھرائی کا مکمل خیال رکھیں۔ اپنے عمل سے کسی کو ایذانہ پہنچائیں۔ قربانی کے بعد خون،فضلات اور زائداجزاء کو دفن کردیں یا کوڑا کرکٹ کے متعینہ مقامات تک پہنچائیں۔ آخرمیں اپنے دُعائیہ کلمات میں انہوں نے کہا کہ اللہ تعالیٰ اس عید کو ہم سب کے لیے عیدسعید بنائے۔ تمام مسلمانوں بالخصوص حجاج کرام کے حج ودیگر عبادتوں کو قبول کرے اور اُمت مسلمہ پررحم و کرم کا معاملہ فرمائے۔

Read More
Written by NewsroomJune 28, 2023

مسلمان، جذبہ قربانی کو زندہ رکھیں اور دین و شریعت سے مکمل وابستہ ہوجائیں

پریس نوٹ

مسلمان، جذبہ قربانی کو زندہ رکھیں اور دین و شریعت سے مکمل وابستہ ہوجائیں

امیرحلقہ جماعت اسلامی ہندحلقہ تلگانہ ڈاکٹرمحمدخالد مبشرالظفرکی جانب سے عامۃ المسلمین کو عیدالاضحی کی مبارکباد

ڈاکٹرمحمدخالد مبشرالظفرامیرحلقہ جماعت اسلامی ہند حلقہ تلنگانہ نے اپنے صحافتی بیان کے ذریعہ ملت اسلامیہ کوعیدالاضحی کی پرخلوص مبارکباد دیتے ہوئے کہا کہ حضرات ابراھیم واسمٰعیل علیہم السلام کی یاد کے ساتھ عامۃ المسلمین جذبہ قربانی کو زندہ رکھیں۔ قربانی کے جانور کو ذبح کرنا ایک علامت ہے دراصل اپنے نفس کو قابومیں رکھنا،اپنی بے جا نفسانی خواہشات،بے جارسومات اور نامعقول روایات پر چھری پھیرنا اصل قربانی ہے۔ امیرحلقہ نے کہا کہ حضرت ابراھیم علیہ السلام نے جس طرح ”اوّل المسلمین“ کا اعلان کیا تھا اسی طرح آج ملت اسلامیہ کو چاہئے کہ موجودہ حالات میں ڈراور خوف کی نفسیات سے باہر نکل کر جذبہ قربانی سے سرشارہوں اور اپنے اندر اعتماد ویقین پیدا کریں اور من چاہی زندگی کو چھوڑ کر رب چاہی زندگی اختیارکریں۔ عیدقربان ہم سے یہی مطالبہ کرتی ہے۔انہوں نے کہا کہ آج ملک کے جیسے کچھ حالات ہیں اس میں دین سے وابستگی شریعت کی پیروی اور ایمان پر پختگی وثابت قدمی بہت ضروری ہے۔ ڈاکٹر خالد ظفرنے کہا کہ حضرات ابراھیم واسمٰعیل علیہم السلام کی اطاعتِ خداوندی وقربانی کو اللہ تعالیٰ نے اتنا پسند فرمایا کہ تاقیامت اس عمل کو یادگار بنادیا۔ عیدالاضحی محض خوشیوں کو بانٹنے کا ذریعہ نہیں ہے بلکہ اطاعت رب اور رضائے الٰہی کے تئیں ہماری سنجیدگی،کوشش اور جائزہ واحتساب کا بھی موقع ہے۔ یہ موقع ہے کہ ہم اپنے جذبہئ قربانی،اخلاق،کردار‘اعمال کے علاوہ اقامت دین کی جدوجہد میں اپنے رول کا محاسبہ کریں۔یہی عید قرباں کا پیغام ہے۔

Read More
Written by NewsroomMay 18, 2023

جامعہ ریاض الصالحات اعظم پورہ میں جدیدداخلوں کا آغاز

جناب اعظم علی بیگ،سکریٹری جامعہ کی اطلاع کے بموجب لڑکیوں کے لئے اعلی دینی وعصری تعلیمی ادارہ”جامعہ ریاض الصالحات“اعظم پورہ میں مختلف شعبوں میں نئے داخلوں کا آغاز ہوچکاہے۔شعبہ ناظرہ میں داخلے کے لئے عمرسات تادس اورشعبہ حفظ میں نوتاگیارہ سال عمرکی طالبات کوداخلہ دیا جائے گا۔شعبہ ابتدائیہ،اُن طالبات کیلئے جو عربی،اردو،انگریزی سے ناواقف ہوں،عمرگیارہ تاچودہ سال،اعدادیہ میں اُن طالبات کو داخلہ دیا جائے گا جو کم ازکم عربی واُردو سے واقفیت رکھتی ہوں اور عمربارہ سے پندرہ سال کے درمیان ہو۔ شعبہ عالمیت وفضیلت میں داخلہ اہلیت کی بنیادپر ہوگا،داخلہ کے خواہش مند طالبات اور اولیاء طالبات وسرپرست حضرات صبح دس بجے تاایک بجے دن جامعہ تشریف لاسکتے ہیں،داخلہ امتحان کا جلد ہی انعقاد عمل میں آئے گا۔ان شاء اللہ8 /جون سے  تعلیم کاآغاز ہوگا۔مزید تفصیلات کے ان فون نمبرات  7799500259، 7989997328  پر رابطہ کرسکتے ہیں۔

Read More